Wakil Saking Kelas XII


Inggih,
Matur suksema aturang titiang majeng ring pengenter acara antuk galah sane kaicen majeng titiang.
    Om Swastiastu,
    Inggih ndawegang majeng ring :
    Bapak Ketua Yayasan sane wangiang titiang
    Bapak Kepala Sekolah sane wangiang titiang
    Bapak, Ibu Guru lan para pegawai sane baktinin titiang,
    asapunika taler para semeton sane tresna asihin titiang.

    Titiang pinaka wakil saking kelas XII, ri kajenkane mangkin sareng sami rumasa sedih saha kangen, saantukan titiang jagi ninggal Bapak, Ibu  miwah semeton titiang sinamian. Tigang warsa titiang ngiring bapak, ibu  miwah para semeton titing iriki nandang suka duka, manawita makeh sampun kaiwangan-kaiwangan titiange majeng ring Bapak, Ibu miwah sameton titiang sinamian. Ri antukan punika titiang sareng sami nunas geng rena sinampura pisan.

    Majeng ring para guru titiang, sane sampun ledang sueca ngicenin titiang peplajahan pradene prasida sekadi mangkin. tan lali titiang ngaturang sukse ping banget, saha ngrastitiang ring Ida Sang Hyang Widhi Wasa, mugi-mugi Ida Parama ledang ngicenin kasubagan, dirga ayu dirga yusa.

    Inggih mangkin jagi kawedah titiang ring para semeton titing kelas X lan kelas XI ring sajeroning sekolah puniki, titiang taler meled jagi ngelingang amatra, sampunang lenga nampenin peplajahan miwah piteket-piteket lan mirengang pitutur sane dahating utama sapituduh guru patut kalaksanayang, saantukan guru punika patut kagega miwah katiru.

    Inggih, wantah asapunika prasida antuk titiang matur-atur, mugi-mugi sami ngeledangin. yening wenten kaiwangan-kaiwangan sane nenten manut ring manah titiang nunas pangampura, sane kaping untat puput titiang ngaturang parama santih,
Om Santih, Santih, Santih, Om.