MEGATANG RENTE PANGLAHLAH

 (PENULARAN) COVID-19

Om Swastiastu, 

        Inggih ida dane semoton titiang sareng sami, ring galah sane becik puniki ngiring iraga sareng sami ngrastiti bhakti majeng ring Ida Sang Hyang widhi Wasa, sangkaning pasuecan Ida iraga sareng sami prasida mesadu ajeng sareng ida dane sinamian dumogi iraga sareng sami setata becik, kenak miwah rahayu. Sadurung titiang ngelantur lugrayang titiang jagi nyinahang angga, titiang mawasta I Putu Agra Maha Pramadana, titiang saking desa Peguyangan Kaja, sane mangkin pacang ngaturang pidarta sane mamurda "Megatang Rente Panglahlah (Penularan) Covid-19".

        Ida dane sareng sami minab iraga sampun uning virus Covid-19 punika virus sane anyar saking coronavirus panglahlahnyane ke-manusa, sane kapertama katemuang ring kota Wuhan, China. ungkuran Desember 2019, Virus utawi gering puniki gelis pisan panglahlah (penularan) sampun makeh panegara, rumasuk Indonesia. Antuk megatang renten penularan covid-19 punika akeh panegara nerapang lockdown/ nyepi/ nyipeng, yening ring pemerintah Indonesia nerapang PPKM kanggen megatang rente pandemi punika.

        Inggih ida dane, ring pinaggal 14 maret 2020 guru wisesa utawi pemerintah sampun netapang corona virus punika dados Bencana Nasional Non Alam sane yantos mangkin nenten wenten ubadnyane. Nanging  pemerintah Indonesia sampun polih vaksin saking panegara maju sekadi : China, Amerika, Belanda miwah sane lianan. iraga pinaka jadma manusa mentik ring gumi pertiwi sepatutne iraga maparilaksana antuk nginutin program vaksin punika mangda krama utawi masyarakat nincapang herd Imuniti utawi kebal  saking virus covid-19 punika.

        Inggih ida dane, pemerintah sampun ngamadelang makudang-kudang wiguna  sane ngeninin indik paridabdab ngelidin baya virus coronane inucap Inggian punika : sane kapertama sadurung Ida dane sareng sami ngajeng, ngambil panyingakan, irung miwah lambe mangda setata ngawasuh/ngawajik tangan ngangge sabun ring toya sane membah kirang lakungnyane duang dasa detik. sane kaping kalih : yening iraga medal uling jero mangda setata ngangge masker nekep irung miwah lambe lan ngangge kaca mata. sane kaping tetiga yening nenten penting sampunang medal saking peumahan, napi malih mapupul-pupul sareng anak akeh.

        Inggian punika irage sareng sami sampunang maboya, campah, napi malih ampah tekening virus punika, nanging sampunang jejeh sane beskaliwat tekening virus covid-19 punika krana jadma sane sampun keni virus sampun akeh sane seger oger lan kenak.  sakewanten irage sareng sami mangdane satinut ring punapi-punapi sane kawedarang ring ajeng, riantukan yening irage sareng sami sampun satinut ring paridabdab punika, pastika virus corona inucap gelis ical ring jagate. sekadi napi sane sapun kaatur, prasida cutetang titiang kadi asapuniki.

        Virus corona punika gering agung sane sampun wenten ring akeh panegara, pemerintah Indonesia sampun nyiapang vaksin antuk krama utawi masyarakat mangda sami krama mavaksin antuk nincapang herd imuniti lan iraga sareng sami tetep nginutin protokol kesehatan uling pemerintah.

    Inggih ida dane sareng sami, wantah asapunika pidarta sane prasida kaaturin titiang, mugi-mugi wenten kawigunan miwah pikenohnyane lan prasida karesepang saha kalaksanyang majeng ring ida dane sareng sami. yening weten kakirangan miwah kaiwangan piatur titiang nunas geng rena pangampura, puputang titiang puput antuk parama santih,
Om Santih, Santih, Santih, Om


                                                                                                        Denpasar, 16 Agustus 2021

                                                                                                        I Made Sartawan, S.Pd